पंढरपूर येथून चोरीच्या 10 मोटारसायकली जप्त

येस न्युज मराठी नेटवर्क : सोलापूर स्थानिक गुन्हे शाखेचे पोलिस निरीक्षक सर्जेराव पाटील यांनी पंढरपूर येथील एका इसमाकडे चोरीच्या मोटरसायकली असल्याबाबत माहिती मिळाल्यानंतर गुन्हे शाखेचे पोलिस हवालदार राजेश गायकवाड यांच्या नेतृत्वातील तपास पथकामार्फत दहा मोटारसायकली जप्त केल्या. त्या मोटर सायकल यांची किंमत चार लाख 30 हजार रुपये आहे . पंढरपूर येथील या आरोपीने केलेले सहा गुन्हे उघड झाले आहेत. त्यापैकी बार्शी शहर पोलीस स्टेशन दौंड पोलीस स्टेशन ,कोरेगाव पोलीस स्टेशन सातारा,मिरज शहर पोलीस स्टेशन ,शिवाजी नगर पोलिस स्टेशन, नांदेड आणि कराड शहर पोलीस स्टेशन, सातारा जिल्हा असे हे सहा गुन्हे आहेत . आरोपी सध्या बार्शी शहर पोलीस स्टेशन कडील गुन्ह्यासाठी वर्ग करण्यात आले आहे . तसेच आरोपी हा कुर्डूवाडी व सांगोला पोलीस स्टेशन कडील गुन्ह्यात पाहिजे असलेला देखील आरोपी आहे . ही कामगिरी पोलीस अधीक्षक तेजस्वी सातपुते अपर पोलीस अधीक्षक अतुल झेंडे यांच्या मार्गदर्शनाखाली एलसीबी पोलीस निरीक्षक सर्जेराव पाटील यांच्या नेतृत्वाखालील पोलिस पथकाने केली आहे