येस न्युज मराठी नेटवर्क : राष्ट्रवादीचे अध्यक्ष शरद पवार यांनी दुपारी दीड वाजण्याच्या सुमारास देशाचे पंतप्रधान नरेंद्र मोदी यांची भेट घेतली. संसदेतील पंतप्रधान कार्यालयात दोघा नेत्यांमध्ये ही भेट झाली. केंद्रीय तपास यंत्रणांकडून राज्यातील विविध नेत्यांवर सुरू असलेल्या कारवाईच्या पार्श्वभूमीवर ही भेट झाल्याचं सांगितलं जात आहे. तसंच विधान परिषदेच्या १२ आमदारांच्या नियुक्तीसंदर्भातही दोघा नेत्यांमध्ये भेट असू शकते, असा अंदाज खुद्द उपमुख्यमंत्री अजित पवार यांनी व्यक्त केला. भेटीसंदर्भातील या साऱ्या चर्चेनंतर खुद्द शरद पवार पत्रकार परिषद घेणार आहे. दुपारी ४ वाजता पत्रकार परिषद घेऊन मोदींच्या भेटीचा तपशील देणार स्वत: पवार देणार आहेत.
शरद पवार यांनी नवी दिल्लीतल्या आपल्या निवासस्थानी ४ वाजता पत्रकार परिषदेचं आयोजन केलं आहे. मोदींशी झालेल्या भेटीबाबत पत्रकार परिषद घेऊन शरद पवार आपली भूमिका मांडणार आहेत. कोणत्या विषयावरुन आज पंतप्रधानांशी भेट झाली? पंतप्रधानांचा कसा रिपॉन्स होता, भेटीचा तपशील आणि फलित काय? अशा प्रश्नांची उत्तरे शरद पवार पत्रकार परिषदेत देतील.