सोलापूर दि . 10 – अखिल भारतीय गोंधळी समाज संघटनेच्या सोलापूर जिल्हाध्यक्षपदी सेवानिवृत्त पोलिस अधिकारी ह भ प विठ्ठल माने यांची तर सोलापूर शहर अध्यक्षपदी रुपेश भोसले यांची निवड करण्यात आली .
अखिल भारतीय गोंधळी समाज संघटनेच्या राष्ट्रीय कार्यकारणीची बैठक पुणे येथे पार पडली . या बैठकीत जिल्हाध्यक्षपदी विठ्ठल माने ( दक्षिण सोलापूर ) , कार्याध्यक्षपदी राजू वाघमारे ( मोहोळ ) यांची तर शहराध्यक्षपदी रुपेश भोसले व कार्याध्यक्षपदी राहूल वाघमोडे यांची एकमताने निवड करण्यात आली .
राष्ट्रीय भटके विमुक्त आयोगाचे माजी अध्यक्ष पद्मश्री दादासाहेब इदाते , गिरीश प्रभुणे , पुण्याचे पालकमंत्री चंद्रकांत पाटील आदी मान्यवरांच्या हस्ते त्यांना निवडीचे पत्र देण्यात आले .
या प्रसंगी राष्ट्रीय कार्यकारिणी सदस्य सूर्यकांत भिसे , उत्तमराव वाघमोडे , संजय भोसले , लक्ष्मण गायकवाड , रजनी पाचंगे , ज्ञानेश्वर बडगे , राजू गरुड , किशोर ढेंबे , पवन अटक , सुरेश काळे , शिरीष खडके , मुकुंद यदमाळ , दिलीप पाचंगे , सुधाकर इगवे , प्रमोद काटे , रमेश उबाळे यांच्यासह समाज बांधव उपस्थित होते .
