उत्कृष्ट शिक्षक केवळ अध्यापक नसतो, तो मार्गदर्शक आणि प्रेरणास्त्रोत असतो. विपुल कोंडेकर यांनी त्यांच्या तांत्रिक ज्ञान, प्रभावी अध्यापन आणि विद्यार्थ्यांप्रती असलेल्या बांधिलकीने हे सिद्ध केले आहे.
पुण्यश्लोक अहिल्यादेवी होळकर सोलापूर विद्यापीठ सोलापुर मधील विपुल कोंडेकर यांचे “Image Processing Algorithms for Plant Pathology” या विषयावरचे संशोधन शेती क्षेत्रासाठी क्रांतिकारी ठरेल. पिकांचे अचूक रोगनिदान आणि शाश्वत शेतीसाठी हे तंत्रज्ञान महत्त्वाचे ठरेल. कोंडेकर यांचा पीएचडी चा प्रवास सोपा नव्हता, पण त्यांनी जिद्द आणि चिकाटीने पीएचडी पूर्ण केली. त्यांना डॉ. श्रीकांत बोधे ( स्वेरीज कॉलेज ऑफ इंजिनिअरिंग, पंढरपूर)यांचे मार्गदर्शन होते. त्याच बरोबर डब्ल्यु.आय.टी. इलेक्ट्रॉनिक्स शाखा विभाग प्रमुख डॉ. सचिन गेंगजे यांचे त्यांना मोलाचे मार्गदर्शन झाले.
या यशाबद्दल वालचंद शिक्षण समूहाचे मानद सचिव डॉ. रणजित गांधी आणि समस्त विश्वस्त व प्राचार्य डॉ. विजय आठवले, निवृत्त प्राचार्य डॉ. शशिकांत हलकुडे यांच्यासह सर्व प्राध्यापक, शिक्षकेतर कर्मचाऱ्यांनी डॉ. विपुल कोंडेकर यांचे अभिनंदन केले.
