सोलापूर : स्मार्ट सिटी संचालक मंडळाची बैठक आज नियोजन भवन येथे स्मार्ट सिटीचे चेअरमन असीम गुप्ता यांच्या अध्यक्षतेखाली घेण्यात आली. राज्य शासनाने मान्यता दिलेल्या 170 एम.एल.डी उजनी -सोलापूर दुहेरी जलवाहिनीला व आय.सी.सी.सी या डीपीआर संदर्भात चर्चा करून मंजुरी देण्यात आले. या दुहेरी पाईपलाईनसाठी महानग रपालिकेच्या वतीने 100 कोटी मनपा हिस्सा भरावा लागेल. यासंदर्भात चर्चा करून अंतिम निर्णय घेण्यात आला. यावेळी महापौर श्रीकांचना यन्नम यांनी सोलापूर ते उजनी दुहेरी पाईपलाईन चे टेंडर लवकर काढून त्याचे काम लवकरात लवकर सुरू करावे अशी सूचना मांडली.
यावेळी महापौर श्रीकांचना यन्नम,विरोधी पक्षनेते अमोल शिंदे,सभागृह नेते शिवानंद पाटील,जिल्हाधिकारी मिलिंद शंभरकर, पोलीस आयुक्त हरीश बैजल, महापालिका आयुक्त पि.शिवशंकर, स्मार्ट सिटी चे मुख्य कार्यकारी अधिकारी त्र्यंबक ढेगळे-पाटील,नगर अभियंता संदीप कारंजे,स्मार्ट सिटीचे तंत्रिका अधिकारी संजय धनशेट्टी आदी मान्यवर उपस्थित होते
