सोलापूर : शंभर रुपये न दिल्याने विकास अशोक भोसले यांना सोरेगाव येथील शासकीय दवाखान्यापर्यंत ओढून नेऊन मारहाण केल्याची फिर्याद विजापूर नाका पोलीस ठाण्यात करण्यात आली आहे. निखिल कांबळे ,केदार कांबळे, रेश्मा कांबळे ,वंदना कांबळे आणि मारुती कांबळे या आंबेडकर नगर येथे राहणाऱ्या पाच जणांविरुद्ध गुन्हा दाखल करण्यात आला आहे. निखिल कांबळे याने सोरेगाव येथील भोसले यांच्या घरी जाऊन त्यांच्या पत्नीकडे पिण्यास पाणी मागितले व त्यानंतर शंभर रुपये दे असे सांगितले. विकास भोसले यांच्या आईने सध्या कामधंदा नाही त्यामुळे आता कुठले पैसे? असे म्हटल्यानंतर निखिल कांबळे याने चिडून शिवीगाळ केली . त्यावेळी फिर्यादी विकास भोसले हे बाहेरून घरी आले असता, त्यांनी निखिल कांबळे याच्याकडे शिवीगाळ का करीत आहे? अशी विचारणा केली. त्यानंतर ही मारहाण झाल्याचे फिर्यादीत म्हटले आहे. याप्रकरणी विजापूर नाका पोलीस ठाण्याचे हवालदार चव्हाण अधिक तपास करीत आहेत.
१०० रुपये न दिल्याने मारहाण करून जीवे मारण्याची धमकी
