सोलापूर : हॉटेलचे मुख्य दरवाज्याचे कडी कोयंडा कशानेतरी तोडून अज्ञात चोरट्यानं हॉटेलमध्ये प्रवेश करुन हॉटेलमधून रोख रक्कम, दारु बॉक्स चोरून नेले. ही घटना शुक्रवारी सकाळपूर्वी पोशम्मा मंदिराजवळील हॉटेलमध्ये घडलीय. या घटनेत जवळपास एक लाख रुपयाचा मुद्देमाल चोरीस गेला असल्याचा गुन्हा एमआयडीसी पोलीस ठाण्यात दाखल करण्यात आलाय.
विडी घरकुल, पिठ्ठा नगरातील रहिवासी प्रमोद उमाकांत उदगिरी यांनी गुरुवारी रात्री त्यांचे हॉटेल बंद केल्यावर चोरट्याने मध्यरात्रीनंतर हॉटेलच्या कॅश काउंटरमध्ये असलेली रोकड आणि देशी विदेशी दारूच्या लहान-मोठ्या १९२ नग बाटल्या चोरून नेल्या. हा प्रकार शुक्रवारी सकाळी उघडकीस आला.
याप्रकरणी प्रमोद उदगीरी यांनी एमआयडीसी पोलीस ठाण्यात फिर्याद दाखल केली. अज्ञात चोरट्याने कॅश काऊंटरमधील रोकड, १९२ देशी-विदेशी दारूच्या बाटल्या व वायफाय ओ एल टी राऊटर चोरून नेले असल्याचा उल्लेख करण्यात आलाय. या सर्व साहित्याची तसेच दारूच्या बाटल्यांची सरकारी किंमत ९६ हजार रुपयाहून अधिक असल्याचे सांगण्यात आले. अज्ञात चोरट्याविरुद्ध भादवि ४५४,४५७,३८० प्रमाणे गुन्हा नोंद करण्यात आलाय. पोलीस हवालदार उबाळे या गुन्ह्याचा अधिक तपास करीत आहेत.
