येस न्युज मराठी नेटवर्क । सर्व रूढ संकेतांना बगल देत सर्वोच्च न्यायालयाचे न्यायमूर्ती एम. आर. शहा यांनी पंतप्रधान नरेंद्र मोदी यांच्यावर स्तुतिसुमने उधळली, तर पंतप्रधानांनी सर्वोच्च न्यायालयाच्या कामकाजाची मुक्तकंठाने प्रशंसा केली. पंतप्रधान मोदी आणि न्यायमूर्ती शहा शनिवारी गुजरात उच्च न्यायालयाच्या अहमदाबाद येथील हीरक महोत्सव सोहळ्यात दूरचित्रसंवाद माध्यमातून सहभागी झाले होते
पंतप्रधान नरेंद्र मोदींनी देशासह परदेशातही चांगलीच छाप सोडली आहे. कोरोना महामारीत देशाला सावरण्याचे त्यांचे कौशल्य कौतुकास्पद ठरले असतानाच आता सर्वोच्च न्यायालयाच्या न्यायमूर्तींनीही त्यांच्यावर स्तुतीसुमने उधळली आहेत. शनिवारी गुजरात उच्च न्यायालयाच्या हिरक महोत्सवी सोहळ्यात त्यांच्यावर कौतुकाचा वर्षाव झाला. नरेंद्र मोदी हे आपले सर्वाधिक लोकप्रिय, दूरदर्शी नेते आहेत, असे सर्वोच्च न्यायालयाचे न्यायमूर्ती एम. आर. शहा म्हणाले.
सर्वोच्च न्यायालयाने दूरचित्र संवाद माध्यमातून सर्वाधिक सुनावण्या घेतल्याचे ऐकून मला अभिमान वाटला. न्यायव्यवस्थेने नागरिकांच्या अधिकारांचे संरक्षणही चोखपणे केले आहे असं पंतप्रधान नरेंद्र मोदी म्हणाले.
