सोलापूर – उद्योगवर्धिनी सोलापूर व केतन वोरा मित्र परिवार यांच्या संयुक्त विद्यमाने आयोजित कार्यक्रमात सोलापूर महानगरपालिकेचे नूतन महापौर विनायक कोंड्याल यांचा भव्य सत्कार करण्यात आला. तसेच नुकतेच महानगरपालिकेत निवडून आलेल्या नूतन नगरसेवकांचाही यावेळी सन्मान करण्यात आला.कार्यक्रमाच्या प्रारंभी मान्यवरांचे स्वागत करण्यात आले. महापौर विनायक कोंड्याल यांना शाल, श्रीफळ व पुष्पगुच्छ देऊन सत्कार करण्यात आला. याचबरोबर नव्याने निवडून आलेल्या नगरसेवकांनाही गौरविण्यात आले.
यावेळी उद्योगवर्धिनी सोलापूरच्या कार्याचा विशेष उल्लेख करण्यात आला. उद्योगवर्धिनी ही संस्था गेल्या अनेक वर्षांपासून सामाजिक व उद्योजकता विकासाच्या क्षेत्रात कार्यरत असून आत्तापर्यंत सुमारे दहा हजार लोकांना रोजगार उपलब्ध करून देण्यात संस्थेचा मोलाचा वाटा आहे. विविध प्रशिक्षण उपक्रम, मार्गदर्शन शिबिरे आणि उद्योगविकास प्रकल्पांच्या माध्यमातून अनेकांना स्वावलंबी बनविण्याचे कार्य उद्योगवर्धिनीने केले आहे. या उल्लेखनीय कार्याबद्दल महापौर श्री विनायक कोंड्याल यांनी संस्थेचे कौतुक करण्यात आले.आपल्या मनोगतात महापौर कोंड्याल यांनी नागरिकांनी दाखविलेल्या विश्वासाबद्दल कृतज्ञता व्यक्त केली. सोलापूर शहराच्या सर्वांगीण विकासासाठी स्वच्छता, पाणीपुरवठा, रस्ते, प्रकाशव्यवस्था आदी मूलभूत सुविधांवर विशेष भर देण्यात येईल, असे त्यांनी सांगितले. शहराच्या प्रगतीसाठी सर्व नगरसेवकांनी एकत्रितपणे काम करण्याचे आवाहनही त्यांनी केले.कार्यक्रमास चंद्रिका चव्हाण उद्योगवर्धिनी सोलापूरचे पदाधिकारी, केतन वोरा मित्र परिवाराचे सदस्य व नागरिक मोठ्या संख्येने उपस्थित होते.