प्राप्तिकर विभागाचे दिल्लीसह, मुंबईतील बीबीसी वृत्त वाहिनीच्या कार्यालयावर छापेमारी
दोन आठवड्यापूर्वी बीबीसीने गुजरात दंगलीवरील एक सिरीज प्रदर्शित केली होती.
प्राप्तिकर विभागाने दिल्लीसह मुंबईतील बीबीसी वृत्तवाहिन्यांच्या कार्यालयावर छापेमारी केल्याची माहिती समोर आली आहे. दोन आठवड्यापूर्वी बीबीसीने मोदी- द इंडिया क्वेश्चन ही सिरीज प्रदर्शित केली होती. त्यानंतर या सिरीजवरुन मोठा गोंधळ निर्माण झाला होता. गुजरात दंगलीच्या वेळी २००२ मध्ये नरेंद्र मोदी त्यावेळी गुजरातचे मुख्यमंत्री होते. या दंगलीचा घटना क्रमाबाबत परदेशी बीबीसी वृत्तवाहिनीने एक सिरीज प्रदर्शित केली होती. पण भारतात ती दाखवण्यावर बंदी घालण्यात आली. इतकेच नव्हे तर सर्व सोशल मिडीया प्लॅटफॉर्मवरुनही ती काढण्यात आली.
