येस न्युज मराठी नेटवर्क : सैनिकांचा जिल्हा अशी ओळख असलेल्या सातारा जिल्ह्यातील आणखी जवानाला वीरमरण आलं आहे. सातारा तालुक्यातील चिंचनेर निंब येथील जवान सुजित किर्दत शहीद झाले आहेत. साताऱ्यातील जवान सुजित नवनाथ किर्दत सिक्कीममध्ये कार्यरत होते.
सुजित किर्दत 106 इंजिनिअर रेजिमेंट सिक्किम याठिकाणी ड्युटीवर होते. ड्युटी बजावत असताना बर्फावरुन जिप्सी गाडी घसरुन दरीत कोसळली यामध्ये सुजित किर्दत यांना वीरमरण आले आहे. सुजित किर्दत यांच्या निधनाची माहिती कळताच चिंचणेर निंब गावावर शोककळा पसरली आहे.
सुजित किर्दत यांचे पार्थिव मंगळवार 22 डिसेंबरला चिंचणेरमध्ये येणार असल्याची माहिती ग्रामस्थांनी दिली आहे. सुजित यांच्या पश्चात पत्नी,दोन लहान मुले, वडील,भाऊ असा परिवार आहे. चिंचणेर ग्रामस्थांनी सुजित किर्दत यांना अभिवादन करणारे फलक लावले आहेत
