बॉलिवूडचा सुपरस्टार शाहरुख खानच्या ‘पठाण’ची जगभरात क्रेझ आहे. रेकॉर्डब्रेक कमाई करण्यासोबत हा सिनेमा अनेक रेकॉर्ड्स आपल्या नावावर करत आहे. भारतासह परदेशातील सिनेप्रेक्षकांकडून या सिनेमाला सकारात्मक प्रतिसाद मिळत आहे. या सिनेमाच्या कमाईत दिवसेंदिवस झपाट्याने वाढ होत आहे. आता राष्ट्रपती भवनाच्या सांस्कृतिक केंद्रातया सिनेमाचे स्पेशल स्क्रिनिंग आयोजित करण्यात आले आहे.
गेल्या चार वर्षांपासून शाहरुखचे चाहते त्याच्या सिनेमाची प्रतीक्षा करत होते. आता ‘पठाण’च्या माध्यमातून त्याने चार वर्षांनी रुपेरी पडद्यावर कमबॅक केलं असून त्याचा अॅक्शन मोड चाहत्यांच्या पसंतीस उतरला आहे. चाहत्यांमध्ये त्याच्या सिनेमाची चांगलीच क्रेझ आहे. आता राष्ट्रपती भवनाच्या सांस्कृतिक केंद्रात शाहरुख खानच्या ‘पठाण’ या सिनेमाचे स्पेशल स्क्रिनिंग ठेवण्यात आले आहे.
एसएस खान यांनी ट्वीट केलं आहे,”राष्ट्रपती भवनाच्या सांस्कृतिक केंद्रात शाहरुख खानच्या ‘पठाण’ सिनेमाचे स्पेशल स्क्रिनिंग ठेवण्यात आले आहे. राष्ट्रपती भवनाच्या सांस्कृतिक केंद्रत खूप कमी सिनेमे प्रदर्शित झाले आहेत”.
