सोलापूर : येणाऱ्या महापालिका निवडणुकीच्या पार्श्वभूमीवर सोलापूर शहरातील सर्व 26 प्रभागात राष्ट्रवादी संवाद यात्रा निमित्त नियोजन करण्यासाठीची महत्वाची बैठक कै.सुभद्राई मंगल कार्यालय येथे रविवारी संपन्न झाली. शहराध्यक्ष भारत जाधव व शहर कार्याध्यक्ष संतोष पवार यांच्या अध्यक्षतेखाली ही बैठक पार पडली. यावेळी माजी महापौर महेश कोठे व नगरसेवक तौफिक शेख, प्रदेश उपाध्यक्ष शफी इनामदार, माजी महापौर सुभाष पाटणकर, माजी शहराध्यक्ष महेश गादेकर, माजी महापौर मनोहर सपाटे, माजी उपमहापौर पद्माकर काळे, परिवहन माजी सभापती राजन जाधव, महिला अध्यक्ष (नगरसेविका) सुनिता रोटे, युवक शहर अध्यक्ष जुबेर बागवान आदी तसेच इतर ज्येष्ठ नेते, प्रांतिक सदस्य यांच्या प्रमुख उपस्थित होते.
या बैठकीत येत्या ५ सप्टेंबर पासून शहरातील सकाळ व संध्याकाळ अशा दोन वेळी एकूण 26 प्रभागात तेरा दिवस प्रभाग संवाद यात्रेचे आयोजन करण्यात येणार असून त्याची प्रमुख जबाबदारी शहर मध्य, उत्तर, दक्षिण विधानसभा अध्यक्ष यांच्यावर सोपविण्यात आली असून नियोजित करण्यात येणाऱ्या कार्यक्रम अंतर्गत त्या – त्या प्रभागातील सर्व पदाधिकारी, कार्यकर्ते उपस्थित राहतील. यावेळी अध्यक्ष, कार्याध्यक्ष, सर्व जेष्ठ नेते, प्रांतिक सदस्य व फ्रंटल सेलचे अध्यक्ष, कार्याध्यक्ष हे त्याठिकाणी मार्गदर्शन करण्यासाठी उपस्थित असतील. सोलापूर महानगर पालिकेत राष्ट्रवादीचा झेंडा फडकविण्यासाठी संपूर्ण राष्ट्रवादी परिवार या नियोजनात्मक प्रभाग संवाद यात्रेच्या आयोजनात जूटला असून संपूर्ण शहर त्यानिमित्ताने राष्ट्रवादीमय करण्याचा मानस यावेळी प्रत्येकांनी व्यक्त केला.
बैठकीला तिन्ही विधानसभा अध्यक्ष अमीर शेख, प्रकाश जाधव, तनवीर गुलजार, ज्येष्ठ नेते दिनेश शिंदे, जावेद खैरादी, अजित बनसोडे, युवक प्रदेश पदाधिकारी चेतन गायकवाड, युवती शहराध्यक्ष आरती हुल्ले, सर्व महिला पदाधिकारी, सेल पदाधिकारी – गोवर्धन सुंचू, महिपती पवार, सोमनाथ शिंदे, आशुतोष नाटकर, नागेश निंबाळकर, शिवाजी मंगोडेकर, प्रमोद भोसले, मनीषा माने, लता ढेरे, रुपेश भोसले आदी व इतर अनेक पदाधिकारी, कार्यकर्ते मोठ्या संख्येने हजर होते . बैठकीच्या नंतर हे राष्ट्रवादीचे चित्रपट कला सांस्कृतिक सेलचे कार्याध्यक्ष जब्बार मुर्षद तसेच त्यांचे संगीत साथीदार धनंजय यांना दादासाहेब फाळके गोल्डन कॅमेरा पुरस्कार २०२१ मिळाल्याबद्दल विशेष सत्कार करण्यात आला.
