सोलापूर : साखर पेठ येथील न्यू आर बी नंदाल ज्वेलर्स या दुकानाच्या समोरील दरवाजाचे कुलूप कडी कोंडा कापून अज्ञात चोरट्यांनी दुकानातील सहा लाख रुपयांचे सोन्या-चांदीचे दागिने चोरून नेल्याची फिर्याद जेलरोड पोलिस ठाण्यात करण्यात आली आहे. या प्रकरणी पोलिस निरीक्षक राऊत अधिक तपास करीत आहेत.
*
राखी खरेदी करताना सोन्याच्या पाटल्यांची चोरी
लकी चौक येथील आपटे ज्वेलर्स या दुकानात 18 ऑगस्ट रोजी दागिने दुरुस्त करण्यासाठी व राखी खरेदी करण्यासाठी आलेल्या असताना वर्ष मधील एक लाख 60 हजार रुपये किमतीच्या सोन्याच्या पाटल्या गजराबाई शिरगिरे यांच्या पर्समधून चोरल्याची फिर्याद फौजदार चावडी पोलिस ठाण्यात करण्यात आली आहे. पोलीस नाईक पाटील अधिक तपास करीत आहेत .
*
मोहरमच्या सवारी ला नैवेद्य देताना मोबाइलची चोरी…
कुंभार वेस येथे मोहरमनिमित्त मौलाली सवारी येथे नैवेद्य देण्यासाठी गेले असताना इमरान मोहम्मद याकुब शेख यांच्या पँटच्या खिशातील मोबाईल चोरून नेल्याची फिर्याद जोडभावी पेठ पोलिस ठाण्यात करण्यात आली आहे . याप्रकरणी पोलीस हवालदार पवार अधिक तपास करीत आहेत.
*
औषधे खरेदी करताना मोबाइलची चोरी…
सात रस्ता येथील हुमा मेडिकल येथे औषधे खरेदी करीत असताना प्राची चंद्रभान काले या तरुणीचा मोबाईल अज्ञात चोरट्याने चोरून नेल्याची फिर्याद सदर बाजार पोलिस ठाण्यात करण्यात आली आहे. पोलीस नाईक भोई अधिक तपास करीत आहेत.
