सोलापूर : छ. शिवाजी महाराज यांच्या जयंतीनिमित्त लोकमंगल बँकेत आयोजित शिवजयंती उत्सव कार्यक्रम उत्साहात पार पडला. बँकेचे चेअरमन आ. सुभाष देशमुख यांच्या हस्ते महाराजांना अभिवादन करून कार्यक्रमाचे उद्घाटन करण्यात आले. या कार्यक्रमाला पांगरी येथील प्राध्यापक विशाल गरड यांची प्रमुख उपस्थिती होती. याप्रसंगी आ. देशमुख यांनी सर्वांना शिवजयंतीच्या शुभेच्छा देत महाराजांच्या विचारांचा आदर्श घेऊन काम करावे, असे आवाहन केले. यावेळी लोकमंगल बँकेचे संचालक शहाजी पवार, देवानंद चिलवंत, अविनाश महागावकर, बँकेचे सरव्यवस्थापक दिनकर देशमुख यांच्यासह शिवप्रेमी उपस्थित होते. आभार बँकेच्या व्यवस्थापिका अनिता जगदाळे यांनी मानले.
