शनी मंदिरात दहा हजार लोकांनी घेतला शनीचा प्रसाद…
सोलापूर : रेल्वे स्टेशनजवळील शनी मंदिरात सोमवारी शनैश्वर अर्थात शनी महाराज जयंती साजरी करण्यात आली. दुपारी बारा वाजून पंधरा मिनिटांनी पाळणा सोहळा. शनी महाराजांचा जयजयकार झाला. महाआरती झाली. रात्री दहानंतरही भाविकांची दर्शनासाठी गर्दी होती. काळे कापड, तीळ, मीठ, तेल देवा चरणी अर्पण करीत होते. १०० किलो मसाला भात, १०० किलो बुंदी लाडू, शिरा असा प्रसाद वाटप करण्यात आला. आठ हजारांहून अधिक भाविकांनी दर्शन, प्रसादाचा लाभ घेतला.
सोमवारी सकाळी सहाला कलय्या गणेचारी, महादेव गणेचारी यांनी रुद्राभिषेक व तैलाभिषेक केला. दुपारी तीन ते पाच या वेळेत महापूजा झाली. यावेळी नागणसूर मठाचे निलकंठ शिवाचार्य महास्वामी, मैदंगी मठाचे निलकंठ शिवाचार्य महास्वामी, कडबगाव मठाचे वीर शिवलींगेश्वर यांच्या हस्ते महापूजा झाली. मंदिरात उत्सव नियोजनासाठी योगेश, विनायक गणेचारी, अशोक कर्पूरमठ, भागण्णा कल्लूरकर,केदार गणेचारी,कुमार गणेचारी, हनुमंत बिराजदार यांच्यासह भाविकांची मदत मिळाली.
