सोलापूर : वन विभाग सोलापूरमार्फत जागतिक वन्यजीव दिनानिमित्त सिध्देश्र्वर वन विहार येथे स्वच्छता अभियान व वन्यजीव संदर्भात जनजागृती करण्यात आली.
या अभियानामध्ये सोलापूर वन विभागाचे उपवनसंरक्षक धैर्यशिल पाटील, सहाय्यक वनसंरक्षक बी.जी.हाके , सहाय्यक वनसंरक्षक एल.ए.आवारे, वनपरिक्षेत्र अधिकारी डी. पी. खलाणे ,वन्यजीव संरक्षण संस्था (WCS) चे प्रतिनिधी, पर्यावरण संरक्षण गतिविधी संयोजक प्रविण तळे व मनमोहन बारणकल, नागेश गुणके आणि महानगरपालिकेचे आरोग्य निरीक्षक मंगळूरकर नूतन प्रशाला सोलापूर या शाळेचे मुख्याध्यापक, शिक्षक कर्मचारी वर्ग व विद्यार्थी उपस्थित होते.
कार्यक्रमामध्ये पाटील यांच्या हस्ते मास्क व हँडग्लोजचे वाटप करण्यात आले. सहाय्यक वनसंरक्षक एल.ए.आवारे यांनी कार्यक्रमाची प्रस्तावना करुन स्वच्छता अभियान बाबत प्रतिज्ञा घेण्यात आली. जागतिक वन्यजीव दिनानिमित्त वन्यजीवविषयी उपस्थितांमध्ये माहिती व जनजागृती केली. मौजे नेहरु नगर गट न.10 येथील सिध्देश्वर वन विहार सोलापूर येथे स्वच्छता मोहिम राबविणेत आली.
