सोलापूर : ६ आणि ७ डिसेंबर २०२२ रोजी पुणे येथे संपन्न झालेल्या सी.बी.एस. ई राज्यस्तरीय विज्ञान प्रदर्शनात एम.आय. टी. विश्वशांती गुरुकुल स्कूल सोलापूर मधील रिध्दी रावत व सिध्दी रावत यांच्या ”भविष्यातील संप्रेषणे” या प्रयोगाने प्रथम क्रमांक पटकावला असून या प्रयोगाची जानेवारी २०२३मध्ये दिल्ली येथे होणाऱ्या सी..बी.एस.ई च्या राष्ट्रीय विज्ञान प्रदर्शनासाठी निवड झाली आहे. सी.बी.एस.ई बोर्डाद्वारे सेंट अरनॉल्ड सेंट्रल स्कूल पुणे येथे आयोजित केलेल्या राज्यस्तरीय विज्ञान प्रदर्शनात १०० शाळांनी सहभाग घेतला होता. सदर यशाबद्दल व्यवस्थापन समिती व प्राचार्य मनीष पुराणी यांनी पुष्पगुच्छ देऊन अभिनंदन केले व राष्ट्रीय विज्ञान प्रदर्शनासाठी शुभेच्छा दिल्या या विज्ञान प्रयोगासाठी शाळेतील विज्ञान विभाग प्रमुख माधुरी कोले व अंजली कुंभार यांचे मार्गदर्शन लाभले.
