येस न्युज नेटवर्क : अमरावतीच्या राणा दाम्पत्याच्या अडचणीत वाढ झाली आहे. मुंबई पोलिसांनी त्यांना नोटीस बजावली असून ८ जून रोजी चौकशीसाठी हजर राहण्याचे आदेश देण्यात आले आहेत. तसंच, राणा दाम्पत्याविरोधात मुंबई पोलीस दोषारोपपत्र दाखल करणार असल्याची माहिती समोर आली आहे.
अमरावतीच्या खासदार नवनीत राणा आणि आमदार रवी राणा यांना वांद्रे न्यायालयात ८ जून रोजी चौकशीसाठी हजर राहण्याचे आदेश देण्यात आले आहेत. त्यामुळे १० जून रोजी होणाऱ्या राज्यसभेच्या निवडणुकीसाठी रवी राणा मतदान करण्यासाठी जाणार की नाही असा प्रश्न उपस्थित झाला आहे.
