सोलापूर – मुंबईत पोलीस दलात कार्यरत असलेले सोलापूरचे सुपुत्र विलास काशीनाथ राठोड यांची पोलीस निरीक्षक पदावर नुकतीच पदोन्नती झाली आहे. सोलापूरमधील मुळेगाव तांडा येथील रहिवासी विलास राठोड हे २००९ मध्ये पोलीस उपनिरीक्षक म्हणून पोलीस दलात रूजू झाले. सध्या ते मुंबईतील गोवंडी येथील शिवाजीनगर पोलीस ठाण्यात पोलीस उपनिरीक्षक म्हणून कार्यरत होते. नुकतीच त्यांची पोलीस निरीक्षक पदावर पदोन्नती झाली. त्यामुळे मुळेगाव तांडा येथील बंजारा समाजात आनंद व्यक्त होत आहे.
