गीत, नृत्यासह नाटिकांचे सादरीकरण
सोलापूर : हंगामा होए, ख्रिस्त जन्माला, मसिहा आया है, प्रभात तारा, तू ही है मेरा, हे दी आवाज, तुझे वेड लागले यासह विविध गीत, नृत्य, नाटिका यावर बालकांसह तरुण-तरुणी, प्रौढ व महिलांनी भारदार कलाविष्कार सादर केला. यातून येशू ख्रिस्तांचे संपूर्ण जीवनकार्यच उलगडल्याने साक्षात येशू ख्रिस्त अवतरल्याचा भास झाला. युनायटेड चर्चेस ऑफ सोलापूरच्यावतीने ख्रिसमस फेस्टिव्हल २०२४ चा प्रारंभ रंगभवन येथील वोरोनोको शाळेच्या मैदानावर इम्मानुएल म्हेत्रे, पालक, कमिटी सदस्यांच्या हस्ते करण्यात आला. प्रारंभी सालोमन सोनवणे यांनी प्रार्थना गायली. प्रास्ताविक सुभाष माने यांनी केले. भेटार्पण प्रार्थना डॉ. विश्वास पॉल यांनी केली. संदेश वाचन निरंजन उजागरे यांनी केले. यानंतर भारदार सांस्कृतिक कार्यक्रम झाला. सूत्रसंचालन सतीश गडकरी व सि.बावडेकर, निरंजन उजागरे, सतीश गडकरी, डॉ. विश्वास पॉल, जॉन दिनकर, मधुकर बनसोडे, विनयकुमार जेनिस, मनोज चांदणे, संभाजी फाळके, मोजेस आखाडे न मेकॅन्झी यांनी केले. आभार सॅमसन न भांबळ यांनी मानले. कार्यक्रमासाठी र इम्मानुएल म्हेत्रे, सुभाष माने, सॅमसन – भांभळ, संजीव मोरे, अनिल – गायकवाड, गिदोन अढागळे, यांनी परिश्रम घेतले.
या संस्थांचा कलाविष्कारामध्ये सहभाग
या फेस्टिव्हलमध्ये ज्योती निकेतन संस्था, पहिली ख्रिस्ती मंडळी, हिंदुस्थानी कॉन्व्हेंट चर्च, मेथॉडिस्ट चर्च, गुड न्यूज चर्च, न्यू लाईफ फेलोशीप चर्च, पाईन ट्री चर्च, एपीफनी चर्च, उमेदपूर चर्च, शिलोह चर्च, बैरशेबा चर्च, बिलिव्हर्स इस्टर्न चर्च, वैराग, कालवरी चर्च, वोरोनोको शाळा, पहिली ख्रिस्ती मंडळी-नवीन उपासना मंदिर यांच्यासह विविध चर्च, शाळा व ख्रिस्ती संस्थांनी सहभागी होऊन कलाविष्कार सादर केला. निरंजन उजागरे यांनी पवित्र शास्त्रातून संदेश दिला.