येस न्युज मराठी नेटवर्क । पंतप्रधान नरेंद्र मोदी यांचं कार्यालय चक्क OLX वर विक्रीला टाकत त्याची किंमत ७.५ कोटी रुपये सांगण्यात आली आहे. या प्रकरणी पोलिसांनी चार जणांना अटक केली आहे. पंतप्रधान नरेंद्र मोदी यांच्या वाराणसीतील कार्यालयाचा फोटो OLX वर टाकत त्याची विक्री किंमत ७.५ कोटी रुपये सांगण्यात आली. या जाहिरातीत कार्यालयाच्या आतील माहिती, खोल्या आणि पार्किंगच्या सुविधेबद्दलही सांगण्यात आलं आहे. हे प्रकरण पोलिसांकडे आल्यानंतर OLX वरुन मोदींच्या कार्यालय विक्रीची जाहिरात हटवण्यात आली आहे.
पोलिसांकडून कारवाईची माहिती
वाराणसी पोलिसांनी एक व्हिडीओ शेअर करुन या प्रकरणात कारवाई केली आहे. चार जणांना ताब्यात घेतलं असून एका अटक करण्यात आल्याचं पोलिसांनी स्पष्ट केलं आहे. पंतप्रधान नरेंद्र मोदी यांचं कार्यालय वाराणसी येथील भेलूपूर पोलीस ठाणे हद्दीतील जवाहर नगर परिसरात आहे.
