सोलापूर महानगरपालिका प्राथमिक शिक्षण मंडळाच्या वतीने डॉ. बाबासाहेब आंबेडकर जयंतीनिमित्त विद्यार्थ्यांसाठी चित्रकला स्पर्धेचे आयोजन करण्यात आले आहे. ही स्पर्धा १४ एप्रिल २०२६ रोजी सकाळी ८ ते ११ या वेळेत सोलापूर महानगरपालिकेच्या अंतर्गत येणाऱ्या शाळांमध्ये आयोजित केली जाणार आहे.
स्पर्धा दोन गटांमध्ये होणार असून गट क्र. १ मध्ये इयत्ता ५ वी ते ७ वी, तर गट क्र. २ मध्ये इयत्ता ८ वी ते १० वीच्या विद्यार्थ्यांचा समावेश असेल. स्पर्धेचा विषय डॉ. बाबासाहेब आंबेडकर यांच्या जीवनावर आधारित असून विद्यार्थ्यांनी रंगसाहित्य स्वतः आणायचे आहे.
स्पर्धेचा कालावधी २ तासांचा राहणार असून निकाल १८ एप्रिल २०२६ रोजी जाहीर करण्यात येणार आहे. या उपक्रमात मोठ्या संख्येने विद्यार्थ्यांनी सहभागी व्हावे, असे आवाहन आयुक्त डॉ.सचिन ओंबासे यांनी केले आहे.
स्पर्धासाठी सर्व विद्यार्थ्यांनी यावे असे आवाहन चित्रकार सचिन खरात यांनी केले आहे.
