पाणथळ दिनानिमित्त पोलीस प्रशिक्षण केंद्रात पक्षी निरीक्षण संपन्न

केगाव दुर्घटनेतील काळविटांना श्रद्धांजली वाहून कार्यक्रमाची सुरुवात

• सोलापूर : जागतिक पाणथळ भूमी दिनाच्या निमित्ताने सोलापूर महानगरपालिका, पोलीस प्रशिक्षण केंद्र आणि इको फ्रेंडली क्लब यांच्यावतीने नेचर वॉक आणि पक्षी तज्ञांशी संवाद उपक्रमाचे आयोजन करण्यात आले होते. केगाव येथील पोलीस प्रशिक्षण केंद्रात असलेल्या पाणथळ परिसरात शुक्रवारी सकाळी हा उपक्रम पार पडला. प्रारंभी केगाव परिसरात मृत्युमुखी पडलेल्या काळविटांना श्रद्धांजली वाहण्यात आली.

• यावेळी पोलीस प्रशिक्षण केंद्राच्या प्राचार्य डॉ. वैशाली कडूकर, सोलापूर महानगरपालिकेचे उपायुक्त मच्छिंद्र घोलप यांची प्रमुख उपस्थिती होती. ज्येष्ठ पक्षी अभ्यासक डॉ. अरविंद कुंभार, पर्यावरण अभ्यासक शिवानंद हिरेमठ यांनी उपस्थित निसर्गप्रेमींना मार्गदर्शन केले. निसर्गरम्य वातावरणात निसर्ग परिक्रमा करून सर्वजण आनंदून गेले होते. पाणथळ परिसर आणि पक्षी जगताविषयी माहिती सर्वांनी जाणून घेतली.

• याप्रसंगी सोलापूर महानगरपालिकेचे पर्यावरण अधिकारी स्वप्निल सोलनकर, उद्यान अधीक्षक रोहित माने, पोलीस निरीक्षक दत्ता कोळेकर, प्रवीणकुमार कांबळे, सुशांत व्हराळे, संग्राम थोरात, सिद्धेश्वर जंगम, राखीव पोलीस निरीक्षक भरत सावंत, दीपक लोणकर, अण्णासाहेब वाघमोडे, सौ. रोहिणी मच्छिंद्र घोलप, शोभा कुंभार, वृषाली कुंभार, उद्योजक सुयश खानापुरे, सोनाली खानापुरे, भूमी अभिलेख कार्यालयातील वरिष्ठ कर्मचारी माधव वडजे, मेडिकल व्यवसायिक संतोषकुमार तडवळ, इको फ्रेंडली क्लबचे समन्वयक अजित कोकणे, शिक्षण विभागातील अरविंद ताटे, कु. साक्षी ताटे, सीए सनी दोशी, कु. मिष्का दोशी, अमोल मते, इतिहास अभ्यासक नितीन अणवेकर, वर्ल्ड लाइफ कंजर्वेशन असोसिएशनचे संतोष धाकपाडे, मयंक चौहान, पंकज चिंदरकर, दिलीप भामरे, छायाचित्रकार सिद्धार्थ परीट, डॉ. प्रदीप कस्तुरे, श्रीपाद दुनाखे आदी उपस्थित होते.

• इको फ्रेंडली क्लबचे संस्थापक परशुराम कोकणे यांनी स्वागत आणि प्रास्ताविक केले. वाईल्ड लाईफ कॉंझर्वेशन असोसिएशनचे अध्यक्ष अजित चौहान यांनी आभार मानले.