पंढरपूर (ता.8):- मौजे वसमत, (ता. हिंगोले) येथील भाविक कौशल्याबाई मूर्तीराम करळे यांनी श्री विठ्ठल रूक्मिणीमातेस सोने १७ ग्रॅम (बोर मन्याची माळ, टॉप झुबे जोड व मंगळसूत्र) व चांदी २९८ ग्रॅम (कडे जोड) अशा सोने-चांदी वस्तू अर्पण केले आहेत. सोने-चांदी वस्तुची किंमत अनुक्रमे रू.९६०००/- व रू.२२०००/- इतकी आहे.
यावेळी मंदिर समितीच्या वतीने करळे यांचा सत्कार मंदिर समितीचे विभाग प्रमुख विनोद गिताराम पाटील यांच्या हस्ते श्रींची प्रतिमा, उपरणे व महावस्त्र देऊन सन्मान करण्यात आला. यावेळी देणगीदार यांचे कुटुंब व विभाग प्रमुख ज्ञानेश्वर कुलकर्णी उपस्थित होते.
