सोलापूर इंडस्ट्रीज असोसिएशनच्यावतीने राज्य कामगार विमा योजना रुग्णालयास वैद्यकीय साहित्य व उपकरणे भेट देण्यात आली. या उपकरणांमध्ये ऍडव्हान्स ऍनेस्थेशिया वर्क स्टेशन मशीन, नर्व्ह लोकॅटोर मशीन, टोरेंटक्यू मशीन, ३० बेड कॉटस सेट, तसेच बालाजी अमाईन्स लिमिटेड कडून सी.एस.आर अंतर्गत २ बाय पॅप मशीन आणि २ ऑक्सिजन हाय फ्लो मशीन राज्यकामगार विमा योजना रुग्णालयास भेट देण्यात आले. जिल्हाधिकारी मिलींद शंभरकर आणि अससोसिएशनचे अध्यक्ष राम रेड्डी यांच्या हस्ते या लोकार्पण सोहळ्याचे फीत कापून शुभारंभ करण्यात आला.
याप्रसंगी राम रेड्डी यांनी आपल्या मनोगतमध्ये सर्व कारखानदारांचे आभार मानले. जिल्हाधिकारी शंभरकर यांनी आपल्या मनोगत मध्ये राज्यकामगार विमा योजना रुग्णालया तील सर्व डॉक्टर्स , स्टाफ , कर्मचारी वर्ग यांनी कोविड काळात केलेल्या उपक्रमा बदल स्तुती केले व धन्यवाद दिले. यावेळी असोसिएशनचे उपाध्यक्ष गणेश सुत्राबे , सचिव वासुदेव बंग, खजिनदार कमलेश शहा, रामेश्वरी गायकवाड , कार्यकारी सदस्य मनीष देशमुख , अभिषेक तापडिया, तारासिंग राठोड, शिवशंकर आंधळकर आदी उपस्थित होते.
