सोलापूर । ज्येष्ठ पत्रकार व्ही. आर. कुलकर्णी (तात्या) यांच्या स्मृतिदिनानिमित्त आज रविवारी मॅगेसेसे पुरस्कारप्राप्त पत्रकार पी. साईनाथ यांचे व्याख्यान आयोजित केले आहे. ‘प्रसारमाध्यमे आणि समाजातील विषमता’ या विषयावर ते बोलतील. हिराचंद नेमचंद वाचनालयाच्या अॅम्फी थिएटरमध्ये सायंकाळी सहाला हा कार्यक्रम होईल. श्री. साईनाथ हिंदीतून बोलणार आहेत. स्वातंत्र्यसेनानी भाई छन्नुसिंह चंदेले स्मृती केंद्राच्या वतीने या कार्यक्रमाचे आयोजन करण्यात आले.
चंदेले समाजकार्य महाविद्यालयाचाही यात सहभाग असल्याचे केंद्राचे सचिव रवींद्र मोकाशी म्हणाले. जागतिक पत्रकारितेत स्वत:चे वेगळे स्थान मिळवणार पत्रकार श्री. साईनाथ यांना ऐकण्यासाठी येण्याचे आवाहन स्मृती केंद्राचे अध्यक्ष हेमू चंदेले, प्रा. विलास बेत, डॉ. श्रीकांत नारकर, प्रा. डॉ. रोझा चंदेले-पराशर यांनी केले आहे.
