सोलापूर : पोलीस आयुक्तालयामार्फत आंतरराष्ट्रीय योग दिनाचे औचित्य साधून सोमवारी पोलिस कवायत मैदान येथे योग शिबिराचे आयोजन करण्यात आले. या शिबिरात कोविंड विषाणू संसर्गाच्या अनुषंगाने सोशल डिस्टंसिंग, सॅनिटायझर व मास्कचा वापर काटेकोरपणे करण्यात आला. योग शिबिरास योग गुरु सुशांत वांगे आणि योग गुरु जयंत पडसलगीकर यांनी मार्गदर्शन केले. या योग शिबिरात पोलीस आयुक्त अंकुश शिंदे , पोलीस उपायुक्त नंदिनी शिंदे ,डॉक्टर दिपाली घाटे, सहाय्यक पोलीस आयुक्त माधव रेड्डी तसेच पोलीस अधिकारी व हवालदार सहभागी झाले होते. हे शिबिर यशस्वी करण्यासाठी मानव संसाधन विभाग आणि पोलीस मुख्यालयातील अधिकारी व हवालदार यांनी परिश्रम घेतले.
