शिवसेना नगरसेवकांचा इशारा
सोलापूर : ग्रामदैवत सिद्धेश्वर मंदिर परिसरातील तलावांमध्ये ड्रेनेजचे पाणी जात असल्याने गुरुवारी शिवानंद पाटील, गुरुशांत धूत्तरगावकर , प्रताप चव्हाण, महेश धाराशिवकर, विजय पुकाळे , संजय धनशेट्टी तसेच इतर शिवसैनिकांनी पाहणी केली . स्मार्ट सिटी च्या पैशाचा अपव्यय होत असल्याचे आणि मकतेदारांवर महापालिका अधिकाऱ्यांचा कंट्रोल नसल्याचा आरोप धूत्तरगावकर यांनी यावेळी केला . रस्ते पुन्हा – पुन्हा खोदण्याचे काम करण्यात येत असून तलाव परिसरात जे मैलामिश्रित पाणी जात आहे , त्याबाबत तातडीने दुरुस्ती करण्याची सूचना या सर्व नगरसेवकांनी केली. केवळ मक्तेदारावरच गुन्हे दाखल करून काहीही उपयोग होणार नाही तर संबंधित अधिकाऱ्यांवर देखील गुन्हे दाखल केले पाहिजेत , अशी मागणी धुत्तरगावकर यांनी केली आहे. सिद्धेश्वर तलावाची जी दुरावस्था होत आहे, त्याकडे वेळीच लक्ष देण्याचा इशारा या सर्व शिवसेनेच्या नेत्यांनी दिला आहे. एकच काम तीन-तीन वेळा करावे लागत असल्याने सोलापूरकरांच्या पैशाचा अपव्यय होत असल्याचा आरोप देखील या नगरसेवकांनी केला आहे.
