मुंबई : राज्याचे मुख्यमंत्री आणि उपमुख्यमंत्री यांच्यासमोर आपण आपली बाजू मांडली, सर्व वस्तुस्थिती ठेवली, त्यावर त्यांनी संबंधित अधिकाऱ्यांना निर्देश दिले आहेत. या सर्व प्रकरणावर मी 8 ऑगस्टला भूमिका मांडणार आहे असं ग्लोबल टीचर अवॉर्ड विजेते शिक्षक रणजितसिंह डिसले यांनी म्हटलं आहे. डिसले गुरुजींनी आज राज्याचे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांची भेट घेतली. त्यानंतर त्यांनी ही प्रतिक्रिया दिली. तर आंतरराष्ट्रीय अवार्ड मिळालेल्या शिक्षकाबाबत चुकीचं काम होऊ नये, अशा स्पष्ट शब्दात मुख्यमंत्री एकनाथ शिंदे यांनी अधिकाऱ्यांना निर्देश दिले आहेत.
