मुंबई : टी 20 वर्ल्ड कपसाठी टीम इंडियाची घोषणा करण्यात आली आहे. या टीममध्ये मुंबई इंडियन्सचा विकेट किपर इशान किशनचा समावेश करण्यात आला आहे. 23 वर्षांच्या इशानने कमी काळात आक्रमक खेळाच्या जोरावर सर्वांना प्रभावित केलंय. इशानची टीममध्ये निवड होताच फॅशन मॉडल आदिती हुंदिया पुन्हा एकदा चर्चेत आली आहे.
इशाननं देशांतर्गत क्रिकेट आणि आयपीएलमध्ये चांगला ठसा उमटवला आहे. तसंच तो टीम इंडियाकडूनही खेळला आहे. आता वर्ल्ड कपसाठी त्याची निवड झाल्यानंतर त्याचं आयुष्य आणि लव्ह लाईफबद्दल लोकांना उत्सुकता वाढली आहे. त्यामुळे आदिती हुंदिया चर्चेत आहे. आदिती ही इशानची गर्लफ्रेंड मानली जाते. या रिलेशनशिपबद्दल इशान किंवा आदितीने अजून कोणतंही स्पष्टीकरण दिलेल नाही. पण इशान किशनच्या चांगल्या खेळीनंतर आदिती त्याचे फोटो शेअर करत असते त्यामुळे फॅन्स याबाबत अंदाज करत आहेत.इशान किशन देखील आदितीच्या इन्स्टाग्राम पोस्ट अनेकदा लाईक करतो. या दोघांच्या रिलेशनशिपबद्दल सर्वप्रथम चर्चा 2019 च्या आयपीएल फायनलच्या दरम्यान झाली होती.इशाननं इंग्लंड विरुद्ध टी 20 क्रिकेटमध्ये पदार्पण केले होते तेव्हा आदितीनं त्याला खास अंदाजात शुभेच्छा दिल्या होत्या. तसंच आयपीएलमध्ये आरसीबी विरुद्ध त्यानं दमदार खेळ केल्यानंतर ‘बेबी, तुझ्यावर गर्व आहे,’ असं तिनं इशानचा फोटो शेअर करत म्हटले होते .
आदिती हुंदियाचे आवडते क्रिकेटपटू हे विराट कोहली आणि महेंद्रसिंह धोनी आहेत. पण, ती नेहमी तिचा कथित बॉयफ्रेंड इशानला चिअर करत असते.
आदिती फॅशन इंडस्ट्रीमधील प्रसिद्ध नाव आहे. ती प्रसिद्ध मॉडल असून मिस इंडिया 2017ची फायनालिस्टही आहे. एवढेच नाही तर आदितीनं 2018च्या मिस सुपरनॅचरल इंडियाचे विजेतेपदही पटकावले आहे.आदिती फॅशन इंडस्ट्रीसह इन्स्टाग्रामवरही लोकप्रिय आहे. इन्स्टाग्रामवर तिचे हजारो फॉलोअर्स आहेत. आदिती नेहमी त्याच्यावर ग्लॅमरस फोटो शेअर करत असते.
