क्रीडा व युवक सेवा संचालनालय, महाराष्ट्र राज्य पुणे, जिल्हा क्रीडा अधिकारी कार्यालय व जिल्हा क्रीडा परिषद पुणे आयोजीत शिव छत्रपती क्रीडा संकुल, म्हालुंगे बालेवाड़ी पुणे येथे दि. ०८ व ०९ नोव्हेंबर २०२३ रोजी संपन्न झालेल्या राज्यस्तरीय शालेय जलतरण क्रीडा स्पर्धेत इंडियन मॉडेल स्कूल स्टेट बोर्ड ची श्रावणी प्रताप सूर्यवंशी हीने डायविंग मध्ये १७ वर्ष वयोगटात हायबोर्ड, ३ मीटर, १ मीटर या तिन्ही क्रीडा प्रकरात ३ सुवर्ण पदक पटकविले आहेत. तिच्या या उत्कृष्ट कामगिरी मुळे राष्ट्रीय स्पर्धेकरिता तिची निवड झाली आहे. तिला क्रीडा शिक्षक अक्षय माने, आंतरराष्ट्रीय दर्जाचे कोच श्रीकांत शेटे यांचे मार्गदर्शन लाभले.
या यशाबद्दल शाळेचे संस्थापक अध्यक्ष ए. डी.जोशी सर, सचिव अमोल जोशी, साई महिला प्रतिष्ठानच्या सचिवा सौ. सायली जोशी, मुख्याध्यापिका अपर्णा कुलकर्णी , सुजाता बुट्टे , ममता बसवंती यांनी अभिंनदन केले.
