सोलापूर – जगाच्या पाठीवर अठरापगडा जाती आणि विविध धर्म गुण्यागोविंदाने नांदणारा एकमेव देश आहे.या देशात धर्मांध ध्रुवीकरण करण्यासाठी मुद्दाम जातीय तेढ निर्माण केले जात आहे.हिंदू विरुद्ध मुस्लिम आणि मुस्लिम विरुद्ध हिंदू असे चित्र उभे करून दंगली घडवून अराजकता माजवले जात आहे.हिजाब, भोंगे, पेहराव, हलाल, तीन तलाक,समान नागरी कायदा असे अनेक वादातीत मुद्दे ऐरणीवर आणून लोकांच्या भावना भडकल्या जात आहेत.एकंदरीत धर्म निरपेक्षता,लोकशाही आणि भारतीय संविधान धोक्यात घालून उजवी विचारसरणी रुजवू पाहत आहेत.हे देशाच्या बंधुभावला काळीमा फासणारी गोष्ट आहे.म्हणून मार्क्सवादी कम्युनिस्ट पक्षाच्या वतीने सर्वधर्मसमभाव आणि सद्भावना संदेश देण्यात येत आहे असे मत ज्येष्ठ नेते माजी आमदार कॉ.नरसय्या आडम मास्तर यांनी व्यक्त केले.
शुक्रवार 29 एप्रिल रोजी सांय 6 वाजता किडवाई चौक येथील मर्कस मशिद जवळ माकप चे जिल्हा सचिव ऍड.एम.एच.शेख यांच्या नेतृत्वाखाली सदभावना संदेश कार्यक्रम घेण्यात आला.
यावेळी बोलताना ऍड.एम.एच.शेख म्हणाले की,कोणत्याही धर्मांध शक्तीला न घाबरता शांती कायम ठेवूया.यासाठी सदभावना संदेश घराघरांत पोहचवा असे आवाहन केले
