येस न्युज मराठी नेटवर्क : जुळे सोलापूर परिसरातील दावत हॉटेल समोरील मनोरमा आर्किड येथे फ्लॅट देण्याचे आमिष दाखवून आठ लाख रुपयांची फसवणूक केल्याची फिर्याद राम अंबाजी इंगळे यांनी विजापूर नाका पोलीस ठाण्यात केली आहे . 18 मार्च 2019 ते 27 फेब्रुवारी 2019 या कालावधीत राम अंबाजी इंगळे यांच्याकडून राजेश प्रचंडे, राहणार मधुरमा आर्किड , दावत हॉटेल समोर यांनी फ्लॅट क्रमांक ६०३ खरेदी करून देतो असे सांगून वारंवार पैसे घेतले होते. आरोपी राजेश प्रचंड चंद्रशेखर शिवगुंडे यांनी जवळपास १३ लाख रुपये फिर्यादी राम इंगळे यांच्याकडून घेतले होते . परंतु त्यातील पाच लाख रुपये 20 नोव्हेंबर 2019 रोजी परत केले आणि राहिलेले रक्कम परत देण्याचे आश्वासन दिले होते. परंतु ही रक्कम परत न दिल्याने राम इंगळे यांनी तक्रार दाखल केली आहे. फिर्यादी ने दिलेले चेक बँकेत वटवण्यासाठी दिले असता बँकेच्या खात्यामध्ये पुरेशी रक्कम नसल्याचे दिसून आल्याचेही राम इंगळे यांनी तक्रारीत म्हटले आहे. विजापूर नाका पोलीस ठाण्याचे पोलीस निरीक्षक जगताप अधिक तपास करीत आहेत.
