सोलापूर: जुळे सोलापुरातील व प्रामुख्याने प्रभाग 26 मधील अनेक वर्षापासून प्रलंबित असलेले कामे निस्वार्थीपणे करून अनेक नगराचा कायापालट करणाऱ्या व उर्वरित नगरातील समस्या बाबतीत शासन दरबारी व महापालिकेत सतत आवाज उठवणाऱ्या व पाठपुरावा करणाऱ्या जनतेच्या मनातील नगरसेवक म्हणून नाव लौकिक झालेल्या राजेश्री चव्हाण यांचा सत्कार प्रभाग 26 मधील बँक कॉलनी शिक्षक सोसायटीच्या वतीने सुज्ञ नागरिक यांनी सत्कार केला. व आपले मनोगत व्यक्त केले की आम्ही जवळपास 25 ते 30 वर्षापासून हदवाढ झाल्यापासून सदर नगरामध्ये राहत असून आम्ही नियमीत पणे सोलापूर महानगरपालिकेला शंभर टक्के टॅक्स भरतो परंतु आमच्या नगरामध्ये नागरिकांच्या समस्या उदा. ड्रेनेज,पाण्याची पाईपलाईन,अंतर्गत रस्ते,दिवाबत्ती अशा सुविधा होणे क्रमप्राप्त असताना देखील काही नगरामध्ये वरील समस्या भेडसावत आहे.
आम्ही वारंवार सोलापूर महानगरपालिका मध्ये समस्या बाबत निवेदने दिले परंतु अद्याप पर्यंत कोणीच दखल घेत नव्हते परंतु नगरसेविका राजश्री चव्हाण निवडून आल्यापासून सतत पाच वर्षे नागरिकांच्या संपर्कात राहून त्यांचे अनेक प्रलंबित कामे पूर्ण केले असून उर्वरित नगरातील समस्या बाबतीत शासन दरबारी व महापालिकेत सतत पाठपुरावा करीत आहेत व त्याला यश ही येत आहे. अशा ह्या नागरिकांच्या मदतीला धावून येणाऱ्या नगरसेविका आम्हाला लाभल्या हे आमचे भाग्य समजतो असे मनोगत व्यक्त करून त्यांचा सत्कार करण्यात आला. त्याप्रसंगी प्राध्यापक दंडे ,हिरेमठ , पाटील , विनय वाळवेकर, श्याम मुंडके, रोहन पाटील,दंडे , आरोळे ,कुलकर्णी ,पाटील मुडके आमोणे जाधव स्वामी महिलावर्ग,ज्येष्ठ नागरिक,तरुण वर्ग मोठ्या प्रमाणात उपस्थित होते.
