सोलापूर – मनोहर सपाटे यांनी राजकीय, सामाजिक, शैक्षणिक क्षेत्रात केलेले काम उल्लेखनीय असून त्यांना कामाची आणखी संधी मिळाली पाहिजे, असे मत पुणे मतदार संघाचे आमदार अरूण लाड यांनी व्यक्त केले.
छत्रपती शिवाजी शाळेत माजी महापौर मनोहर सपाटे यांच्या वाढदिवसानिमित्त त्यांच्या सामाजिक कार्याचा लाड यांच्या हस्ते गौरव करण्यात आला. त्यावेळी ते बोलत होते. अध्यक्षस्थानी माजी आमदार प्रकाश यलगुलवार हे होते. याप्रसंगी महेश गादेकर, नलिनी चंदेले, सुनिता रोटे, आनंद चंदनशिवे, बिज्जू प्रधाने, जुबेर बागवान, महादेव गवळी, बाळासाहेब वाघमारे, शंकर पाटील, लता ढेरे, रेखा सपाटे, नलिनी खांडेकर यांची प्रमुख उपस्थिती होती. प्रारंभी स्वागत व प्रास्ताविक ज्ञानेश्वर सपाटे यांनी केले. मनोहर सपाटे यांच्या वाढदिवसाच्या निमित्ताने कवीवर्य माणिक आवारे यांनी संपादित केलेला ‘मनोहर’ हा खास विशेषांक संपादित केला.
यावेळी माजी आमदार प्रकाश यलगुलवार यांनीही सपाटे यांना विधानपरिषदेवर संधी मिळण्याची मागणी केली तर अॅड. यु. एन. बेरिया यांनी सपाटे यांच्यासारख्या नेत्याची महापालिकेत गरज असून नव्या पिढीला मार्गदर्शन करण्यासाठी ते या निवडणूकीत उतरले पाहिजे, अशी अपेक्षा व्यक्त केली. चेतन नरोटे यांनी सपाटे यांना लोकांना उमेदवार म्हणून आपल्या घरातील लोकांना कोण पसंत आहे, हे समजावून घेण्यास सांगितले तर विरोधी पक्षनेते अमोल शिंदे यांनी सपाटे यांच्या नावाशिवाय सोलापूरचा राजकिय इतिहास पूर्ण होऊ शकत नसल्याचे सांगितले. राष्ट्रवादीचे शहराध्यक्ष भारत जाधव, कार्याध्यक्ष संतोष पवार, विद्यार्थी संघटनेचे सुहास कदम, प्रशांत बाबर, राष्ट्रवादीचे नेते सुधीर खरटमल आदींनीही मनोगत व्यक्त करून सपाटे यांना वाढदिवसाच्या शुभेच्छा दिल्या.
