सोलापूर : जोडभावी पेठ पोलीस ठाण्याच्या गुन्हे प्रकटीकरण पथकाने पाच गुन्हे उघड करण्यात यश मिळवले असून १ लाख ३८ हजारांचा मुद्देमाल जप्त केला आहे, अशी माहिती सहाय्यक पोलिस उपायुक्त सुहास भोसले यांनी दिली आहे. जोडभावी पेठ पोलीस ठाण्याच्या हद्दीमध्ये शेळी चोरीच्या गुन्ह्यांमध्ये वाढ झाली होती. याबाबत अब्बास नजीर शेख आणि आसिफ अश्पाक शेख यांच्याकडे चौकशी केली असता त्यांच्याकडील रिक्षा क्रमांक एम एच 13 सिटी. 8078 मधून तीन शेळ्या चोरल्याची कबुली दिली.
कुंभार वेस येथील ऑटोमोबाईल दुकानातून चोरीस गेलेला सॅमसंग कंपनीचा १५ हजार रुपयांचा हँडसेट अल्पवयीन मुलाकडून हस्तगत करण्यात यश मिळाले आहे. तसेच भवानी पेठ येथील धोत्रेकर वस्ती येथील विकास भिवा पवार याला अटक करून त्याच्याकडील रोख रक्कम ४८ हजार रुपये आणि तीन ग्रॅम वजनाचे कानातले सोन्याचे टॉप्स जप्त करण्यात आले आहेत.
