मुंबई : पत्राचाळ घोटाळा प्रकरणात तुरुंगात असलेले शिवसेनेचे खासदार संजय राऊत यांच्या अडचणीत आणखी वाढ होण्याची शक्यता आहे. ईडीने बुधवारी केलेल्या छापेमारीत आणखी काही महत्त्वाचे कागदपत्रे हाती लागले असल्याची माहिती सूत्रांनी दिली. ईडीने बुधवारी मुलुंड, भांडूप, आणि विक्रोळी परिसरात छापेमारी केली होती.
ईडीने बुधवारी मुलुंड येथील श्रद्धा डेव्हलपर्सच्या कार्यालयावर छापा मारला होता. याा छापेमारी दरम्यान ईडीच्या अधिकाऱ्यांनी कागदपत्रांसह संगणकाचीही तपासणी केली होती. श्रद्धा डेव्हलपर्सचे विक्रोळी, भांडुप आणि मुलुंड परिसरात इमारत बांधकामाचे प्रकल्प सुरू आहेत. त्यापैकी बहुतांशी कामे हे संजय राऊत यांचे बंधू आमदार सुनिल राऊत यांच्या मतदारसंघातील आहे. काही प्रकल्प पूर्ण झाले असून काहींचे बांधकाम सुरू आहे.
श्रद्धा डेव्हलपर्स ईडीच्या रडारवर का?
संजय राऊत यांच्याकडे असलेल्या महागड्या कारची खरेदी श्रद्धा डेव्हलपर्सकडून करण्यात आली असल्याचे तपासाता समोर आले. त्यानंतर ईडीने छापा मारला. श्रद्धा डेव्हलपर्सने खरेदी केलेल्या कार आणि आर्थिक व्यवहाराची चौकशी ईडीकडून सुरू करण्यात आली आहे.
