सोलापूर : सोलापूरचे ग्रामदैवत शिवयोगी सिद्धरामेश्वर अक्षता सोहळ्याचा विधी आज साडेअकरा वाजता संमती कट्ट्याजवळ अवघ्या दीडशे ते दोनशे भाविकांच्या उपस्थितीत पार पडला यंदाच्या वर्षी प्रथमच कोरोनाच्या संकटामुळे नंदीध्वजाच्या मिरवणुका काढण्यात आल्या नाहीत शासनाने दिलेल्या नियमाचे काटेकोर पालन करत सिद्धेश्वर मंदिरासमोरील संमती कट्ट्या जवळ सिद्धरामेश्वरचे प्रतीक असलेल्या योग्य दंडाशी कुंभार कन्येचा विवाह लावण्यात आला. दरवर्षी या सोहळ्यासाठी लाखो भाविक उपस्थित असतात मात्र यंदाचे दृश्य कोरोनामुळे काही वेगळेच होते सकाळी हिरेहब्बू यांच्या वाड्यातून बग्गीतून मानकरी आणि योगदंड आणण्यात आला आणि साडेअकरा वाजता हा विवाह सोहळा संपन्न झाला. यासाठी पोलिसांचा मोठा बंदोबस्त लावण्यात आला होता. 17 जानेवारीपर्यंत मंदिर भाविकांसाठी बंद असून या परिसरात संचारबंदी देखील लागू करण्यात आली आहे
