येस न्युज मराठी नेटवर्क ; इंजिनीयर सोमनाथ दावणे आणि इंजिनीयर शंकर दावणे यांच्या महावीर कन्स्ट्रक्शन तसेच आबा पेंट आणि हार्डवेअर च्या कार्यालयाचे उद्घाटन गुरुवारी सायंकाळी मोहोळ तालुक्याचे आमदार यशवंत माने तसेच लोकनेते कारखान्याचे चेअरमन बाळराजे पाटील यांच्या हस्ते करण्यात आले. हा कार्यक्रम शिंगोली – तरटगाव बस स्टॉप जवळ पार पडला यावेळी दूध पंढरी चे संचालक दीपक माळी मोहोळ कृषी उत्पन्न बाजार समितीचे सभापती असलम चौधरी मोहोळच्या सभापति पोतदार अक्षय खताळ अविनाश मोटे तसेच सिंगोली तरटगावचे सरपंच अविनाश मोठे आणि उपसरपंच पांडुरंग रासेगाव यांच्यासह ग्रामस्थ मोठ्या संख्येने उपस्थित होते. आमदार यशवंत माने यांनी दावणे कुटुंबीयांचे कौतुक केले शिवाय राष्ट्रवादीच्या माध्यमातून या गावाने ग्रामपंचायत जिंकली यापुढे देखील या गावातील विविध विकास कामे करण्यासाठी भरघोस निधी दिला जाईल असे आश्वासन त्यांनी दिले. यावेळी बाळराजे पाटील यांनी देखील दावणे यांच्या कर्तृत्वाचे कौतुक करत गावच्या विकासासाठी यापुढे राष्ट्रवादी अधिक निधी देईल असे आश्वासन दिले. दूध संघाचे संचालक दिपक माळी यांनी देखील या वेळी मनोगत व्यक्त केले. प्रारंभी सोमनाथ दावणे यांनी प्रास्ताविक केले. संयोजकांच्या वतीने यावेळी सर्व प्रमुख पाहुण्यांचा सत्कार करण्यात आला तर ग्रामस्थांच्यावतीने आमदार यशवंत माने आणि बाळराजे पाटील यांचा भलामोठा हार घालून सत्कार करण्यात आला. यावेळी नोंदणीकृत बांधकाम कामगारांना शासकीय ओळखपत्राचे तसेच साहित्याचे वाटप पाहुण्यांच्या हस्ते करण्यात आले.
