मध्य रेल्वे द्वारे प्रवाशांना उन्हाळी सुट्ट्या त्यांच्या जवळच्या व्यक्ती आणि प्रियजनांसोबत घालवता याव्यात यासाठी विविध ठिकाणी १४८४ उन्हाळी विशेष गाड्यांची घोषणा केली आहे. यामध्ये ७४९ आरक्षित आणि ७३५ अनारक्षित विशेष गाड्यांचा समावेश आहे. या उन्हाळी विशेष गाड्यांमध्ये मागणीनुसार आधीच चालवण्यात येणाऱ्या गाड्या आणि काही अतिरिक्त विशेष गाड्यांचा समावेश आहे.
महाराष्ट्रातील ठिकाणांसाठी विशेष रेल्वे सेवांमध्ये मुंबई/दौंड – सोलापूर, पुणे – कोल्हापूर, नाशिक रोड – बडनेरा आणि हडपसर-हरंगुळ दरम्यानच्या गाड्यांचा समावेश आहे. महाराष्ट्राबाहेरील ठिकाणांसाठी विशेष रेल्वे सेवांमध्ये मुंबई-बलिया, मुंबई-गोरखपूर, दौंड-कलबुरगि आणि सोलापूर-कलबुरगि/ अनकापल्ली दरम्यानच्या गाड्यांचा समावेश आहे.
या विशेष गाड्या प्रवाशांना त्यांच्या प्रवासाचे नियोजन करण्यास मदत करतील. प्रवाशांच्या सोयीसाठी आणि आरामासाठी, मध्य रेल्वेने प्रवासी सुविधा वाढवल्या आहेत आणि आपल्या नेटवर्कमध्ये अनेक उपाययोजना राबवल्या आहेत. या विशेष गाड्यांच्या वेळा आणि थांब्यांची सविस्तर माहिती लवकरच दिली जाईल.
