सोलापूर : शिवसेनेचा युवा सेना जिल्हाप्रमुख मनिष काळजे यांना मारहाण केल्याप्रकरणी प्रकाश वानकर , नगरसेवक गणेश वानकर आणि दत्तात्रय वानकर तसेच इतर तीन ते चार साथीदारांनी मारहाण केल्याप्रकरणी फौजदार चावडी पोलिस ठाण्यात गुन्हा दाखल करण्यात आला आहे .
14 ऑगस्ट रोजी इंद्रधनु अपार्टमेंट समोर गणेश काळजे हे त्यांच्या गाडीतून जात असता वानकर यांनी दुसर्‍या गाडीतून येऊन फिर्यादीच्या गाडीला ओव्हरटेक करत गाडी थांबवली आणि प्रकाश वानकर यांनी गाडीतून खाली उतरण्याचा इशारा केला. काळजे यांच्या गाडीवर हाताने जोरात मारून खाली उतरण्यास भाग पाडले आणि मनगट धरून तोंडावर मारली. निष्काळजी गाडीतून उतरून पळून जात असताना मारहाण करून पीस्टल सारखे दिसणारे शस्त्र उलटे करून तोंडावर मारण्याचा प्रयत्न केल्याचे फिर्यादीत म्हटले आहे. या प्रकरणी पोलीस सबइन्स्पेक्टर काळे तपास करीत आहेत.