No Result
View All Result
- दिनांक 08.02.2023 रोजी मिळालेल्या माहितीवरून वनपरिक्षेत्र पंढरपूर अंतर्गत मंगळवेढा तालुक्यातील मौजे मारोळी येथे तरस (नर) हा वन्यप्राणी अत्यंत गंभिर जखमी अवस्थेत आढळून आलेचे निदर्शनास आलेले आहे. सदर घटनास्थळी बी.जी. हाके सहाय्यक वनसंरक्षक (कॅम्पा) सोलापूर, सी. एस. वाघ वनपरिक्षेत्र अधिकारी (प्रा.) पंढरपूर, एम. टी. मेरगेवाड वनपाल मंगळवेढा, बी. डी. ठेंगील वनरक्षक सलगर, पी.के. खेणे वनरक्षक हुलजंती. भागवत मासाळ, किसन कांबळे तसेच भरत छेडा मानद वन्यजीव रक्षक सोलापूर यांच्या पथकाने घटनास्थळी पोहोचून सदरचा वन्यप्राण्यास रेस्क्यू करून ताब्यात घेऊन वैदयकीय उपचाराकरिता पशुवैदयकीय अधिकारी मंगळवेढा वर्ग 1 येथे दाखल केले आहे. सदरच्या वन्यप्राण्यावर डॉ. श्री. ब्रम्हानंद कदम पशुवैदयकीय अधिकारी हे उपचार करत असताना उपचारदरम्यान तरस या वन्यप्राण्याचा मृत्यू झालेला असून ब्रम्हानंद कदम पशुवैदयकीय अधिकारी मंगळवेढा वर्ग यांनी तरस वन्यप्राण्याचे सर्वांचे समक्ष शवविच्छेदन करून शासकीय नियमाप्रमाणे दहन करणेत आले.
- धैर्यशिल पाटील उपवनसंरक्षक सोलापूर, बी.जी. हाके सहाय्यक वनसंरक्षक (कॅम्प) सोलापूर. यांचे मार्गदर्शनाखाली माळशिरस तसेच पंढरपूर रेस्क्यू टिम मधील वनपाल व वनरक्षक यांनी या पथकाने मौजे मारोळी गावामध्ये जाऊन चौकशी केली असता आरोपी नामे 1. श्री चंद्रकांत गुराप्पा हिंचगिरे 2. श्री. आमसिध्द संगप्पा लवंगी, 3. श्री. मलकारी चंद्रकांत हिंचगिरे, 4. शिवानंद हत्ताळी, 5. श्री. शैल शंकर जमखंडे या पाच आरोपीचा समावेश असून श्री. शैल शंकर जमखंडे (वय वर्ष 30 रा. मारूळे ता. मंगळवेढा जि. सोलापूर) या आरोपीस ताब्यात घेणेत आलेले असून उर्वरीत चार आरोपी फरार असून आरोपीचा शोध घेणे सुरू आहे.
- सदर अवैध वन्यप्राण्याची शिकार केले प्रकरणी आरोपीस ताब्यात घेऊन चौकशी करून त्यांचे विरूध्द वन्यजीव (संरक्षण) अधिनियम 1972 चे कलम 2 (16) 2 (39), 9, 39 (अ) 39 (2), 39 (3) 49 अ (अ) अन्वये प्राथमिक गुन्हा क्रमांक WLP 01 / 2023 दिनांक 09.02.2023 अन्वये वनगुन्हा दाखल करणेत आलेला आहे. तरस या वन्यप्राण्यास लोकांनी गंभीर जखमी केल्याने अंतर्गत रक्तस्त्रावामुळे मृत्यू झाला असावा असा प्राथमिक अंदाज आहे.
- तरस वन्यप्राणी हा वन्यजीव संरक्षण अधिनियम १९७२ अंतर्गत अधिसुचि १ मध्ये समाविष्ट असून अन्नसाखळीतील तो एक महत्वाचा घटक आहे. वरील श्रीशैल शंकर जमखंडे (वय वर्ष 30 रा. मारूळे ता. मंगळवेढा जि. सोलापूर) या आरोपीस दि. 10.02.2023 रोजी मा. प्रथम श्रेणी न्यायदंडाधिकारी मंगळवेढा यांचे समक्ष उपस्थित केलेले आहे. सदर वनगुन्हे प्रकरणाचा पुढील तपास धैर्यशिल पाटील उपवनसंरक्षक सोलापूर यांचे मार्गदर्शनाखाली श्री.बी.जी. हाके सहाय्यक वनसंरक्षक (कॅम्पा) सोलापूर हे करित आहेत.
No Result
View All Result
