बार्शी – शिरीष सरदेशपांडे, पोलीस अधीक्षक, सोलापूर ग्रामीण यांचेकडे महाराष्ट्र पोलीस अधिनियम,1951 चे कलम 55 अन्वये शरिराविषयी व मालाविषयी वारंवार गुन्हे करणारे आरोपींवर प्रतिबंधात्मक करावाई करण्यासाठी ‘‘हद्दपार प्राधिकरणाचे’’ कामकाज चालविण्यात येते. बेकायदेशीररित्या बार्शी शहरात तसेच तालुक्यात विशाल विठ्ठल रणदिवे याने टोळी निर्माण करून स्वतः तर कधी टोळीच्या साथीदारासोबत गुन्हे करून दहशत व भय निर्माण केले होते. त्याबाबत बार्शी शहर पोलीस ठाणेकडून प्रस्ताव प्राप्त होता.
सोलापूर जिल्हयातील बार्शी शहर पोलीस ठाणे, बार्शी तालुका पोलीस ठाणे तसेच पुणे जिल्हयात खुनाचा प्रयत्न करणे, दरोडा टाकणे, अपरहरण करणे, खंडणी मागणे, गैरकायदयाची मंडळी जमवुन दंगा करणे, अशा प्रकारचे गंभीर गुन्हे करून समाजात दहशत पसरवली होती. टोळीप्रमुख व टोळी सदस्यावर वेळोवेळी कारवाई करून देखील सुधारणा न झाल्याने सराईत गुन्हे करणा-या विशाल रणदिवे व टोळीतील 05 इसमाना पोलीस अधीक्षक, सोलापूर ग्रामीण यांनी सोलापूर जिल्हयातून दोन वर्षाकरीता हददपार केले आहे.
टोळीतील टोळी प्रमुख व टोळी सदस्य यांची नावे – टोळी प्रमुख, विशाल विठठल रणदिवे, टोळी सदस्य, बाबा सुरेश खंडागळे, नारायण मच्छिंद्र लोंखडे, विनोद उर्फ विनायक श्रावण पवार, विक्रम रमेश पारडे, (सर्व रा. झाडबुके मैदान, बार्शी , ता.बार्शी, जि. सोलापूर) , नागेश उर्फ बक्शा हिरा गवळी (रा. लहुजी वस्ताद चैक, बार्शी, ता. बार्शी) असे सदस्य आहेत.
तरी नागरीकांना आव्हान करण्यात येते की, नमुद हद्दपार इसम हे त्यांना हदद्पार करण्यात आलेल्या क्षेत्रात वावरत असल्याचे आढळल्यास त्याबाबतची माहिती तत्काळ पोलीस ठाणेस व नियंत्रण कक्ष सोलापूर ग्रामीण येथे कळवावे
सदरचे आदेष शिरीष सरदेशपांडे, पोलीस अधीक्षक, सोलापूर ग्रामीण यांनी हद्दपारीचे आदेश पारित केले आहे. अपर पोलीस अधिक्षक, हिंमत जाधव, उप विभागीय पोलीस अधिकारी जालींदर नालकुल, यांच्या मार्गदर्शनाखाली पो. नि. सुहास जगतपा, पो.नि. संतोष गिरीगोसावी, स.पो.नि. तोरडमल, तसेच स्थानिक गुन्हे शाखेकडील व बार्शी शहर पोलीस ठाणेकडील डि.बी. पथकातील पोलीस अंमलदार यांनी कारवाईत संयुक्तपणे कामकाज केले आहे.
