येस न्युज मराठी नेटवर्क : सोलापूर जिल्ह्यातील ग्रामीण भागात कोरोना नियंत्रणाच्या प्रभावी अंमलबजावणीसाठी व वेळोवेळी प्रतिबंधात्मक उपाययोजनांचे संनियंत्रण व आढावा घेण्यासाठी मुख्य कार्यकारी अधिकारी यांनी सर्व संपर्क अधिकारी यांना त्यांना नेमून दिलेल्या भागात भेटी देण्याचे आदेश दिले होते. त्यानुसार बार्शी पंचायत समितीचे गटविकास अधिकारी शेखर सावंत यांनी तालुक्याच्या ग्रामीण भागात कोरोना नियंत्रण व इतर कार्यक्रमांच्या आढाव्यासाठी 11 ऑगस्ट रोजी भेटी दिल्या. तसेच कुर्डुवाडी पंचायत समितीचे सहागटविकास अधिकारी प्रताप पाटील यांनी ग्रामीण भागात दिलेल्या भेटीदरम्यान गैरहजर आढळलेल्या कर्मचाऱ्यांचे अहवाल मुख्य कार्यकारी अधिकारी यांच्या कडे पाठवले होते. या सर्व गैरहजर कर्मचाऱ्यांना सीईओ स्वामी यांनी कारणे दाखवा नोटिसा बजावल्या आहेत.
बार्शी तालुक्यातील डुरे वाहन चालक तडवळे, एस.एम. पोळ ग्रामसेविका तडवळे व दिपाली माने संगणक परिचालक ग्रामपंचायत तडवळे. माढा तालुक्यातील सारीका माने उपशिक्षिका जि.प.प्राथमिक शाळा रोपळे (क) या कर्मचाऱ्यांना कारणे दाखवा नोटिसा बजावण्यात आल्या आहेत.
