बार्शी – सतत चर्चेत असणारी प्रसिद्ध नृत्यांगना गौतमी पाटील ही सध्या मोठ्या अडचणीत सापडली आहे. बार्शी पोलीस स्टेशनमध्ये गौतमी विरोधात पोलिसात तक्रार दाखल करण्यात आली आहे.याच प्रकरणात तिचा कार्यक्रम आयोजित करणाऱ्या एका आयोजकावरही गुन्हा दाखल करण्यात आला आहे.
प्रसिध्द नृ्त्यांगणा गौतमी पाटील हिच्यावर बार्शी पोलीस स्टेशनमध्ये तक्रार दाखल करण्यात आली आहे. तिच्या कार्यक्रमाचे आयोजक राजेंद्र गायकवाड यांनी केलेल्या या तक्रारीत गौतमीने उशीरा कार्यक्रमाला येऊन फसवणूक केल्याचा आरोप करण्यात आला आहे. दरम्यान परवानगी न घेताच गौतमीचा कार्यक्रम आयोजित केल्याबद्दल राजेंद्र गायकवाड यांच्यावर यापूर्वीच गुन्हा दाखल करण्यात आला आहे.
१२ मे रोजी गौतमीची लावणी मोहत्सव कार्यक्रम बार्शी येथे आयोजित करण्यात आला होता. त्या कार्यक्रमात गौतमी पाटील, केतन मारणे आणि गौतमीचा सेक्रटरी विनोद या तिघांनी मिळून बार्शीकरांची फसवणूक केली म्हणून तशी तक्रार राजेंद्र गायकवाड यांनी बार्शी पोलीस स्टेशनमध्ये दिली आहे.
