सोलापूर ZP च्या 10 कोटी रुपयांच्या औषध खरेदीची होणार चौकशी…!

सोलापूर जिल्हा परिषदेने आषाढी वारीच्या पार्श्वभूमीवर दहा कोटी रुपयांची औषध खरेदी केली आहे. ही औषध खरेदी संशयाच्या भोवऱ्यात असून नुकत्याच आलेल्या आमदारांच्या अंदाज समितीचे समोर देखील हा विषय चर्चेला आला. याबाबत अधिकाऱ्यांनी व्यवस्थित माहिती न दिल्यामुळे हे प्रकरण गंभीर आहे याची चौकशी केली पाहिजे असे मत देखील या समितीमधील आमदारांनी व्यक्त केले. शिवाय आषाढी वारीच्या पूर्वसंध्येला 50 लाख रुपयांचे चष्मे खरेदी बाबत देखील सदस्यांनी आश्चर्य व्यक्त केले. त्यामुळे सोलापूर जिल्हा परिषदेच्या आरोग्य विभागाने आषाढी वारीच्या पार्श्वभूमीवर केलेला खर्च तसेच जिल्हा शल्य चिकित्सक यांच्या कार्यालयाकडून आषाढी वारीच्या पार्श्वभूमीवर केलेला सुमारे सात ते आठ कोटींचा खर्च आता चौकशीच्या फेऱ्यात अडकणार असे दिसते.