कृषी अवजार बँक स्थापनेसाठी नोंदणीकृत समुदाय आधारित संस्थांनी प्रस्ताव पाठवावेत
सोलापूर- ग्राम सामाजिक परिवर्तन फाउंडेशन (VSTF) अंतर्गत ‘आकांक्षित आणि शेतकरी आत्महत्याप्रवण जिल्ह्यांमध्ये ग्रामीण उपजीविका बळकटीकरण’ या प्रकल्पांतर्गत सोलापूर जिल्ह्यातील माढा, मोहोळ, उत्तर सोलापूर व दक्षिण सोलापूर या चार तालुक्यांमध्ये प्रति तालुका 3 याप्रमाणे एकूण 12 कृषी अवजार बँका स्थापन करण्यात येणार आहेत. यासाठी नोंदणीकृत समुदाय आधारित संस्थांकडून प्रस्ताव मागविण्यात येत आहेत.
या योजनेच्या लाभार्थी संस्थांनी सादर करावयाच्या अर्जाचा नमुना व मार्गदर्शक सूचना संबंधित माढा, मोहोळ, उत्तर सोलापूर व दक्षिण सोलापूर तालुका कृषी अधिकारी यांच्या कार्यालयात दि. 24 ऑगस्ट 2026 पासून उपलब्ध करून देण्यात आल्या आहेत.
तसेच अर्जाचा नमुना व मार्गदर्शक सूचना ग्राम सामाजिक परिवर्तन फाउंडेशनचे संकेतस्थळ www.mvstf.org तसेच जिल्हा परिषद, सोलापूरचे संकेतस्थळ www.zpsolapur.gov.in येथे उपलब्ध आहेत.
अर्ज स्वीकारण्याचा कालावधी दि. 31 ऑगस्ट 2026 ते 21 सप्टेंबर 2026 असा असून, अर्ज कार्यालयीन वेळेत स्वीकारण्यात येतील. इच्छुक नोंदणीकृत समुदाय आधारित संस्थांनी विहित नमुन्यातील अर्ज व आवश्यक कागदपत्रांसह संबंधित तालुका कृषी अधिकारी कार्यालयात प्रस्ताव सादर करावा.
या योजनेत कोणत्याही पूर्वसूचनेशिवाय पूर्णतः किंवा अंशतः बदल करण्याचे अथवा योजना रद्द करण्याचे सर्व अधिकार ग्राम सामाजिक परिवर्तन फाउंडेशन यांच्याकडे राखीव असल्याचे जिल्हा अधीक्षक कृषी अधिकारी शुक्राचार्य भोसले यांनी प्रसिद्धी पत्रकान्वये कळविले आहे.
