प्रधानमंत्री ग्राम सडक योजना आणि मुख्यमंत्री ग्रामसडक योजना या दोन्ही योजनेबद्दल सोलापूर जिल्ह्याला भरघोस असा निधी मिळाला आहे. सन 2021- 22 ते सन 2025- 26 या पाच वर्षाचा विचार करता प्रधानमंत्री ग्रामसडक योजनेतून सोलापूर जिल्ह्यात 310 किलोमीटर लांबीचे 48 रस्ते करण्यात आले यावर 227 कोटी 94 लाख रुपये खर्च झाले आहे. तर याच कालावधीत मुख्यमंत्री ग्रामसडक योजना टप्पा क्रमांक एक मध्ये 320 कोटी ची तर मुख्यमंत्री ग्रामसडक योजना टप्पा क्रमांक दोन मध्ये 388 कोटीची अशी 206 कामे करण्यात आली आहेत. मुख्यमंत्री ग्रामसडक योजनेमध्ये नाबार्ड,आशियाई बँक, यांचा निधी आहे. म्हणजेच गेल्या पाच वर्षात सोलापूरच्या ग्रामीण भागात पंतप्रधान ग्रामसडक योजना आणि मुख्यमंत्री ग्रामसडक योजनेतून तब्बल 935 कोटी रुपये खर्च करण्यात आले आहे.
हा आकडा अनेकांचे डोळे वठारणारा आहे मात्र ठराविक आमदार आणि मंत्री या निधीतून कोणत्या रस्त्याची कामे घ्यायची हे ठरवतात. एवढा मोठा निधी असला तरीही या प्रधानमंत्री ग्रामसडक योजनेच्या अंमलबजावणीसाठी दक्षिण सोलापूर पंचायत समितीच्या अडगळीच्या बाजूला कार्यकारी अभियंता यांचे कार्यालय आहे. डीडी परदेशी हे कार्यकारी अभियंता म्हणून कार्यरत असले तरी ते कधीच कार्यालयात बहुतांश वेळा कार्यालयात भेटत नाही.
