दिनांक २१ ऑगस्ट २०२६ रोजी दुपारी एक वाजण्याच्या सुमारास पुणे सोलापूर राष्ट्रीय महामार्गावर अरण गावाच्या हद्दीत भारत पेट्रोल पंपाजवळ असणाऱ्या हॉटेल निसर्ग जवळ मोडनिंब येथून टेंभूर्णी येथे एक स्विफ्ट कार क्रमांक MH 12 RF 3516 भरधाव वेगाने जात असताना सदर कारवरील कारचालकाचे नियंत्रण सुटल्याने भरधाव कार रस्त्याच्या बाजूला असलेल्या चारीत जाऊन झालेल्या अपघातात कारमधील दोन तरुण डोक्याला पाठीला जबर मार लागल्याने गंभीर जखमी झाले असून या भरधाव कारचालक हा किरकोळ जखमी झाला असून सदर अपघातामध्ये जखमी झालेल्या तरुणांना वरवडे टोल नाका येथील रुग्णवाहिकेमधून डॉ . प्रशांत कारंजकर आणि रुग्णवाहिका चालक बंडू गायकवाड यांनी पंढरपूर येथील खासगी रुग्णालयात पुढील उपचारासाठी दाखल करण्यात आले असून या अपघाताची माहिती मिळताच वरवडे टोल नाका येथील ग्रस्तीपथक तात्काळ घटनास्थळी दाखल झाले असून, सदर कार भरधाव वेगाने रस्त्याच्या बाजूला असलेल्या चारीत जाऊन दोन वेळा कार पलटी झाली असून कारचे मोठ्या प्रमाणात नुकसान झाले असून या अपघातामध्ये झालेल्या तरुणांची नावे सुमित सुनील बिनगे वय १९ वर्षे, प्रथमेश दत्तात्रेय बिनगे वय २० वर्षे समर्थ सतीश साळुंके वय २२ वर्षे (स्विफ्ट कार चालक) रा. मोडनिंब ता माढा, जिल्हा सोलापूर, महाराष्ट्र येथील रहिवासी असून या सदर अपघाताची माहिती टेंभूर्णी पोलिस स्टेशन येथील अपघात विभागाचे अधिकारी जगताप आणि मोडनिंब महामार्ग पोलीस मदत केंद्राचे अधिकारी किरण आवताडे (PSI) यांना वरवडे टोल नाका येथील ग्रस्तीपथक प्रमुख संतोष खडके यांनी दिली आहे.
